યસ બેંક મોબાઇલ એપ્લિકેશન: યસ બેંકે તેની નેક્સ્ટ જનરેશન મોબાઇલ એપ્લિકેશન ડેવલપ કરવા માટે માઇક્રોસોફ્ટ સાથે જોડાણ કર્યું છે. યસ બેંક તેની મોબાઇલ એપ્લિકેશન ડેવલપ કરવા માટે માઇક્રોસોફ્ટના Azure પ્લેટફોર્મનો ઉપયોગ કરશે. આના દ્વારા કસ્ટમરને સામાન્ય બેંકિંગ કામગીરી ઉપરાંત ઓનલાઈન પેમેન્ટ, શોપિંગ, રિવોર્ડ્સ, અન્ય ઓફર્સ તેમજ કસ્ટમાઈઝ્ડ ડેશબોર્ડ ઓફર કરવામાં આવશે. યસ બેંકની એપ માઇક્રોસોફ્ટના એન્ટરપ્રાઇઝ-ગ્રેડ ક્લાઉડ પ્લેટફોર્મ પર ચાલશે. ઉપરાંત, તે યસ બેંકને એક સામાન્ય પ્લેટફોર્મ પર વેપારીઓ અને ઇકોસિસ્ટમ ભાગીદારોને જોડીને સેવાઓ વધારવામાં મદદ કરશે.

આના દ્વારા યસ બેંક તેના કસ્ટમરને લોન, પેમેન્ટ, ડિપોઝીટ, રોકાણ, કાર્ડ વગેરે અન્ય સર્વિસ પણ પૂરી પાડી શકશે.

પ્રશાંત કુમાર, MD અને CEO, YES Bankએ જણાવ્યું હતું કે, “અમે એક અલગ બેંકિંગ અનુભવ આપવા માટે ટેક્નોલોજીના ઉપયોગમાં અગ્રણી રહ્યા છીએ. માઈક્રોસોફ્ટ સાથેની અમારી ભાગીદારી કસ્ટમરને એક એવી એપ પ્રદાન કરવાનો પ્રયાસ કરશે જે સામાન્ય પ્લેટફોર્મ પર વ્યવહાર તેમજ અન્ય પ્રવૃત્તિઓ કરવા માટે સરળ બનાવે.

કસ્ટમરને નવો એક્સપિરિયન્સ મળશે
માઈક્રોસોફ્ટ ઈન્ડિયાના પ્રેસિડેન્ટ અનંત મહેશ્વરીએ જણાવ્યું હતું કે, “અમે યસ બેન્ક સાથે તેમના ડિજિટલ ટ્રાન્સફોર્મેશન પ્રયાસોમાં ભાગીદારી કરવા માટે ઉત્સાહિત છીએ. Microsoft Azure યસ બેંકને વધુ સુરક્ષિત બનાવશે અને એક આર્કિટેક્ચર પ્રદાન કરશે જે તેના કસ્ટમરને નવો એક્સપિરિયન્સ પહોંચાડવાનું આસાન બનાવશે.

યસ બેંકે FD પર વ્યાજ દરમાં વધારો કર્યો 
યસ બેંક એફડી વ્યાજ દરો: યસ બેંકે તાજેતરમાં રૂ. 2 કરોડથી ઓછી ફિક્સ્ડ ડિપોઝિટ માટે વ્યાજ દરોમાં વધારો કર્યો છે. બેંકની વેબસાઈટ અનુસાર, નવા દરો આજથી એટલે કે 3 જાન્યુઆરી, 2023થી લાગુ થઈ ગયા છે. નવા દરો અનુસાર, હવે સામાન્ય રોકાણકારોને 7 દિવસથી 120 મહિનાની એફડી પર 3.25 ટકાથી લઈને 7 ટકા સુધીનું વ્યાજ મળશે. જ્યારે, વરિષ્ઠ નાગરિકોને સમાન સમયગાળાની એફડી પર 3.75% થી 7.75% વળતર મળશે.

You missed