ખનીજચોરી કરતા માફિયાઓની હિંમત વધી ઉનામાં ખનીજચોરીમાં ઝડપાયેલ ટ્રેકટરને કચેરી પર લઈ આવતી વેળાએ તલાટી સાથે ઝપાઝપી

ઉનાના પસવાળા ગામની નદીમાં ગેરકાયદે થતી ખનીજ ચોરી કરતાં વાહનોને રેઇડ દરમ્યાન મામલતદાર કચેરી ખાતે પકડી લાવતી વખતે ખનન માફ્યિાઓએ ઉના મામલતદાર કચેરીના રેવન્યુ તલાટીને ટ્રેક્ટર ચાલકે અપશબ્દ બોલીને ઝપાઝપી કરી ધક્કો મારી નીચે પછાડી દેતા ઉના પોલીસ મથકે ફરિયાદ નોંધાઈ છે.
ઉનાના પસવાળા ગામની માલણ નદીમાં ગેરકાયદે ખનીજ ચોરી થતી હોવાની ઉના મામલતદારને બાતમી મળતા ખનીજ વિભાગની ટીમ અને ઉના મામલતદાર ખાખંલા અને ઓફ્સિના સર્કલ ઓફ્સિર મિતેશ જી.વસાવા સહિતનો સ્ટાફ ઘટના સ્થળે પહોંચી રેડ કરેલ હોય ત્યારે સ્થળ
પરથી રેતી ચોરી કરતા ત્રણ ટ્રેક્ટર એક જેસીબીને ઝડપી પાડી ઉના મામલતદાર કચેરી ખાતે લાવવાની તજવીજ હાથ ધરવામાં આવેલ હોય ત્યારે ઉના મામલતદાર કચેરીના રેવન્યુ તલાટી ઝડપાયેલ ટ્રેકટરમાં બેસી આવતા હોય ત્યારે સામતેર ગામે પહોંચતા રેતી ચોરી કરનાર ડ્રાઈવરે ધક્કો મારી નીચે પછાડી દેતા જમણા પગના ભાગે ફ્રેકચર થતા સરકારી વાહનમાં હોસ્પિટલ ખાતે ખસેડાયા હતા અને રેતી ચોરી કરનાર ભુપતભાઈ ઉકાભાઇ ગોહિલ રહે પસવાળા હમીર સાંખટ રહે ઉટવાળા તથા આસિફ ઉનડજામ રહે ઉમેજ તા ઉના વાળાઓ વિરૂદ્ધ ઉના પોલીસ મથકે ફરિયાદ નોંધાવતા પોલીસે કાર્યવાહી હાથ ધરી હતી.

You missed