બુધવારે લોકસભાના શિયાળુ સત્રમાં ગૃહમંત્રી અમિત શાહે ડ્રગ્સની સમસ્યા પર વિગતવાર વાત કરી હતી. ચર્ચા દરમિયાન તેમના વતી ઘણા મુદ્દાઓ પર ચર્ચા કરવામાં આવી હતી. પરંતુ જ્યારે અમિત શાહ પોતાની વાત કરી રહ્યા હતા, ત્યારે એક સમય એવો પણ આવ્યો જ્યારે ટીએમસી સાંસદ સૌગત રોયે વચ્ચે ટોકવાનું સાહરુ કરી દીધું. જેના કારણે ગૃહમંત્રી નારાજ થઈ ગયા.

અમિત શાહ કેમ નારાજ થયા?

વાસ્તવમાં જ્યારે અમિત શાહ પોતાનું ભાષણ આપી રહ્યા હતા ત્યારે ટીએમસી સાંસદ સૌગત રોયે વચ્ચે ટોકવાનું શરૂ કરી દીધું. આ અવરોધથી ગૃહમંત્રી નારાજ થઈ ગયા અને તેમના તરફથી તેમને સ્પષ્ટ શબ્દોમાં કહેવામાં આવ્યું કે વચ્ચે ટોકા ટોકી કરવું યોગ્ય નથી. તમારી ઉંમર માટે પણ ઠીક નથી અને ન તમારી સિનિયોરિટી માટે. જો તમારે બોલવું હોય તો હું બેસી  જાઉં છું. 10 મિનિટ તમે બોલી લો. વિષયની ગંભીરતાને સમજો.

ડ્રગ્સ મુદ્દે અમિત શાહે શું કહ્યું?

બાદમાં જ્યારે વિપક્ષના એક સહયોગીએ પૂછ્યું કે ગૃહમંત્રી નારાજ કેમ થાય છે તો અમિત શાહે માત્ર એટલું જ કહ્યું કે તેઓ નારાજ નથી પરંતુ સમજાવી રહ્યા છે. ક્યારેક વડીલોને પણ સમજાવવા પડે છે. આ પછી ગૃહમાં ટોકા-ટોકી બંધ થઈ ગઈ અને અમિત શાહે ડ્રગ્સના મુદ્દા પર પોતાનો વિચાર રાખ્યો. તેમના તરફથી ખુશી વ્યક્ત કરવામાં આવી હતી કે આ એક મુદ્દા પર તમામ પક્ષો એકજૂથ દેખાય છે. દરેક રાજ્યએ ડ્રગ્સની સમસ્યાને જડમૂળથી ઉખેડવા માટે કેન્દ્ર સાથે મળીને કામ કર્યું છે.

અમિત શાહે પોતાના સંબોધનમાં એ વાત પર પણ ભાર મૂક્યો હતો કે આપણે ડ્રગ્સ લેનાર વ્યક્તિ પ્રત્યે સહાનુભૂતિ દાખવવી પડશે અને જે આ ડ્રગ્સ વેચી રહ્યા છે, જે તેના નેટવર્કને મજબૂત કરવા માટે કામ કરી રહ્યા છે તેની સામે કડક કાર્યવાહી કરવી પડશે.

You missed